Bllokimi i Ngushticës së Hormuzit nga Irani, Zelensky: Ekipi ynë është duke u zhvendosur në Gjirin Persik

Presidenti i Ukrainës, Volodymyr Zelensky, ka bërë të ditur se një ekip ukrainas është nisur drejt rajonit të Gjirit për të ndihmuar në mbrojtjen e jetëve njerëzore dhe stabilizimin e situatës në zonë.

Në një reagim të publikuar në platformën X (Twitter), Zelensky theksoi se ndërhyrja e shpejtë është e domosdoshme, duke përmendur edhe rrezikun që paraqet bllokimi i Ngushtica e Hormuzit nga Iran.

Sipas tij, kjo ngushticë është një nga rrugët kryesore për furnizimin global me naftë dhe gaz, ndaj bllokimi i saj përbën një burim të madh paqëndrueshmërie në tregjet ndërkombëtare.

“Ekipi ynë është në rrugë drejt rajonit të Gjirit për të ndihmuar në mbrojtjen e jetëve dhe stabilizimin e situatës. Askush nuk mund të thotë ende se sa do të zgjasë kjo situatë, por është e rëndësishme që mbrojtja e jetëve njerëzore të funksionojë sa më shpejt të jetë e mundur”, shkroi Zelensky.

Presidenti ukrainas theksoi gjithashtu rëndësinë e forcimit të mbrojtjes ajrore dhe bashkëpunimit ndërkombëtar në teknologjinë e dronëve. Ai kujtoi se vitin e kaluar Ukraina i kishte propozuar Shtetet e Bashkuara të Amerikës një marrëveshje për bashkëpunim në prodhimin dhe përdorimin e dronëve.

Sipas Zelenskyt, përvoja që Ukraina ka fituar në luftën kundër dronëve sulmues është ndër më të mëdhatë në botë dhe mund të ndihmojë vendet e rajonit të Gjirit, si edhe partnerët në Evropë dhe Amerikë, për të ndërtuar sisteme më të forta mbrojtjeje./Shqip