BE nuk humb kohë, në qershor europianët do pajisen me certifikatën e Covid-19

Bota

BE nuk humb kohë, në qershor europianët do pajisen me

Certifikata e Covid-19, nismë e Bashkimit Europian duket se do nisë të përdoret në qershor. Mësohet se muajin që vjen, BE do lejojë qytetarët e saj që të udhëtojnë më lehtë brenda bllokut gjatë periudhës së verës. Më herët është bërë me dije se këtë dokument po e kërkojnë vendet anëtare të BE-së që janë të varura nga turizmi.

Në një takim me ministrant e jashtëm të bllokut, zv presidenti i KE, Marosh Sefçovic tha:  “Kjo është një përparësi për qytetarët tanë dhe prandaj besoj se do të kemi certifikatën para verës.”

Vendimi do të lejonte ata që janë vaksinuar, të rikuperuar nga COVID-19, ose me rezultate negative të testit të kalojnë kufijtë brenda bllokut, ku aktualisht ka kufizime. Ndërkohë që zyrtarët e BE thonë se askujt nuk do t’i obligohet të përdorë certifikatën e BE-së dhe dokumenti nuk duhet të konsiderohet si një pasaportë vaksine ose diskriminuese. Shumë vende në BE kanë filluar lehtësimin e masave kundër pandemisë dhe synojnë që përmes sezonin të udhëtimeve verore të ringjallin ekonomitë lokale.

ME TE LEXUARAT