Biznesmeni Pandi Carapuli paraqitet në SPAK, dyshohet për pastrim parash

Biznesmeni Pandeli Carapuli është paraqitur ditën e sotme në Prokurorinë e Posaçme kundër Korrupsionit dhe Krimit të Organizuar.  Carapuli u pa në ambientet e SPAK së bashku me avokatin e tij, ndërsa burime bëjnë me dije se paraqitja në SPAK ka lidhje me dosjen Balluku.

Biznesmeni i ndërtimit dyshohet se i ka dhuruar një vilë ish-numrit 2 të qeverisë, në këmbim të një tenderi që ka marr nga kompania shtetërore Albcontroll. 

Carapuli është marrë i pandehur nga SPAK për çështjen Balluku që në muajin Qershor të këtij viti, ndërkohë që paraqitja e ditës së sotme, lidhet me zgjatjen e hetimeve për 3 muaj.

Më herët gjatë ditës së sotme u paraqit në SPAK dhe deputetja socialiste, Belinda Ballu e cila u njoftua zyrtarisht për zgjatjen e hetimeve deri në Janar të vitit të ardhshëm.

Balluku shoqërohej nga avokati i saj, ndërkohë që nuk bëri asnjë koment për mediat, në hyrje dhe dalje të Prokurorisë së Posaçme.

Ish-numri 2 i qeverisë është nën hetim për korrupsion e pastrim parash, ndërsa e pandehur për shkelje të barazisë në tendera. SPAK ka sekuestruar deri më tani dy vila që dyshohen si pasuri e fshehur e ish-numrit dy të qeverisë.