Përshkallëzohet qëndresa, pedagogët marrin vendimin: Shpallet bojkot i auditorëve, nuk përjashtohet greva

Protesta e studentëve ka marrë një mbështetje masive ditën e sotme, pasi Sindikata e Punonjësve të Universiteteve të Shqipërisë ka vendosur t'u bashkohet atyre në rrugë. Përfaqësues të Sindikatës deklaruan zyrtarisht se e gjithë trupa akademike është në dispozicion të studentëve, duke shpallur bojkotin e plotë të procesit mësimor.

Sipas deklaratës së dhënë për mediat në kohë reale nga sheshi i protestës, Aleksandër Kovaçi kushtet e krijuara kanë detyruar Kryesinë e Sindikatës që mbledhjet e saj t'i zhvillojë drejtpërdrejt krah protestuesve. 

Përfaqësuesi i sindikatës i ka bërë një thirrje publike të gjithë pedagogëve që të mblidhen çdo ditë në orën 10:00 përpara Universitetit Politeknik, për të marshuar më pas drejt zonës ku po mbahet tubimi, në mbështetje të kërkesave të të rinjve.

Ky vendim zyrtarizon ndërprerjen e mësimit në auditore dhe paralajmëron një përshkallëzim të situatës, pasi tashmë si studentët ashtu edhe stafi akademik janë bërë bashkë në një grevë të përbashkët. Auditoret pritet të mbeten të zbrazëta çdo ditë, ndërsa pedagogët do të jenë fizikisht të pranishëm në shesh krah për krah me studentët e tyre.