"Asnjë VIP në terren”, reperi shqiptar thirrje rinisë: Të shtunën bojkotoni klubet e natës, ejani në protestë!

Këtë të shtunë që vjen është paralajmëruar mbajtja e një proteste të madhe me pjesëmarrjen e studentëve de gjimnazistëve, por edhe shqiptarëve nga diaspora.

Edhe këngëtari Arkimed Lushaj, i njohur si Stresi, i cili ka qenë aktiv gjatë protestave të mëparshme, ka bërë thirrje për pjesëmarrje masive.

Ai ka marrë si shembull protestën në Greqi me rreth 10 mijë studentë, duke u thënë ndjekësve që të shtunën të bojkotojnë klubet e natës për të dalë në terren. Këtë gjë ua ka kërkuar për shkak se sipas tij, “VIP”-at këngëtarë nuk kanë dalë në terren.

“Grekë janë, s’janë shqiptarë! Ndaj të shtunën, meqë jemi pushim, të gjithë bojkotoni klubet e natës. Asnjë nga VIP-at që këndojnë nuk janë në terren me ne, kështu që të shtunën të gjithë bashkë”, ka shkruar ai.