Zjarr në pallatin 5-katësh në Elbasan, lëndohet lehtë pronari i apartamentit

Zjarri ka perfshire diten e sotme katin e 5 të një pallati në lagjen 11 nëntori në Elbasan.

Zjarri dyshohet se ka ardhur nga një ngrohëse e harruar ndezur.

Si pasojë e zjarrit, mesohet se është lënduar pronari i banesës, i cili ka qenë brenda në shtëpi gjatë kohës që ka rënë zjarri.

55-vjeçari K. K., gjatë kohës që ka ndërhyrë për të fikur zjarrin, është lënduar lehtë. Sipas policisë pasi mori mjekim në spital, ai u largua për në banesë.

Sipas policisë, dyshohet se zjarri ndodhi për shkak të një shkëndije në pajisjen elektrike të ngrohjes.

Ndërhyrja e menjëhershme e zjarrfikësve bën të mundur mospërhapjen e zjarrit edhe në apartamentet ngjitur.