Zbulohet mesazhi që 18-vjeçarja i dërgoi burrit para se të pinte fostoksinë

Detaje të tjera janë zbadhur nga ngjarja e rëndë në Lushnje, ku një 18-vjeçare i dha fund jetës duke pirë fostoksinë. 

Kushëriri i burrit ka treguar për mediat se ditën që ndodhi ngjarja e rëndë, 18-vjeçaren e morën nga shtëpia e familjarëve të saj dhe çuan tek familja e 24-vjeçarit. Më pas ky i fundit kishte shkuar të pinte kafe me miqtë dhe kushërinjtë e tij. 

Ai thotë se nuk kishin kaluar as 5 minuta nga momenti kur e lanë në shtëpi dhe vajza i shkruan burrit se kishte pirë fosktoksinë.

“I ka shkruar mesazh djalit, djali ishte te kafja me ne. E la në shtëpi. Punë minutash sa u ulëm, vajza i shkroi mesazh: 'Piva fostoksinë'. Ky i shkroi: 'Mos guxo' dhe u nisëm me vrap për të ardhur se ishim në këmbë", tregon kushëriri i burrit.

Sipas uniformave blu e reja dyshohet të ketë konsumuar fostoksinë pas konflikteve të vashdueshme më bashkëshortin e saj 24 vjeç, i cili po hetohet nga policia.

Por, familjarët e këtij të fundit mohojnë këto akuza dhe thonë se nuk ka pasur asnjë problem mes çiftit dhe se vajza mund ta ketë kryer aktin e rëndë për komentet që i bëheshin në shkollë