Xhaçka nderon viktimat në Tetovë: Dhimbja juaj është e jona

Ministrja e Jashtme, Olta Xhaçka ka reaguar për ngjarjen tragjike që preku Tetovën një natë më parë. Përmes një postimi në Facebook, Xhaçka ngushëllon familjarët e viktimave.

“Thellësisht të pikëlluar nga tragjedia në spitalin COVID të Tetovës. Ngushëllimet më të ndjera familjarëve e mbarë komunitetit shqiptar. Dhimbja juaj është dhimbja jonë, tragjedia juaj është tragjedia jonë”, shkruan ajo.

Rreth orës 21:00, të së mërkurës, një spital Covid-19 në Tetovë është djegur ku për pasojë kanë ndërruar jetën dhjetëra persona, ndërsa 9 prej tyre janë plagosur. Dyshohet se shkak për zjarrin është bërë shpërthimi i një bombole gazi, por policia ende nuk e ka konfirmuar.

Ndërkohë, dyshohet se viktimat nuk janë vetëm pacientë, por edhe persona nga stafi mjekësor. Asnjëri prej tyre ende nuk janë identifikuar.