Vrasja e policit/ Balla: Të arrestohet një orë e më parë autori

Ministri i Brendshëm Taulant Balla ka reaguar për vrasjen e efektivit të policisë, N.C në Fier.

Balla ka kërkuar kapjen e autorit një orë e më parë.

Më tej ka paralajmëruar se do të bëhet gjtihçka që në këtë vend të ngulitet mirë në mendje se është e papranueshme që të ngrihet dorë ndaj një punonjësi policie.

“Dua të shpreh në këtë rast dhimbjen që ndjej për humbjen e jetës së një punonjësi policie. Nxis policinë dhe drejtuesit e saj që të bëjnë gjithçka për arrestimin një orë e më parë të autorit. E them shpesh që do të bëjmë gjithçka që në këtë vend të ngulitet mirë në mendjen e kujtdo që është e papranueshme të ngresh dorën ndaj një punonjësi policie.

Nuk dua të hyj në interpretimin e informacioneve paraprake, ende nuk dihen arsyet. Gjithsesi përgjegjësia e parë që bie mbi policinë është identifikimi menjëhershëm i autorëve”, u shpreh Balla.