Vodhi para në një dyqan por u tradhtua nga kamerat, arrestohet hajduti në Vlorë

Një 29 vjeçar është arrestuar nga policia e Vlorës për vjedhjen e një shume parash në një dyqan në lagjen “Lef Satalla”. Kamerat e biznesit kanë filmuar gjithë ngjarjen.

Në kuadër të operacionit “Storm 17”, u arrestua i riu E.B, me precedent të mëparashëm penal. Ndërkohë vijon puna për dokumentimin e vjedhjeve të tjera që mund të ketë kryer i arrestuari.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.