Vjehrri i 18-vjeçares që i dha fund jetës në Lushnje: Ka dalë nga shkolla duke qarë...

Një ngjarje e rëndë ndodhi ditën e djeshme në Lushnjë, ku një 18-vjeçare i dha fund jetës, duke pirë fostoksinë.

Policia tha se shkak për aktin e rëndë të Bruna M. kanë qenë konfliktet vazhdueshme me të fejuarin e saj, 24-vjeçarin me iniciale Entilio Drajçi.

Ata e kishin bërë lidhjen familjare në janar të këtij viti.

Ditën e sotme familjarët e djalit, përkatësisht babai i tij, Anën Drajçi, tha se ditën që ndodhi ngjarja vajza ka qenë në shkollë, por kjo që konfirmohet nga disa, ndërsa mësuesit e mohojnë.

Ai tha se 18-vjeçarja ishte tip i mbyllur, ndërsa kanë marrë vesh se ditën që i dh fund jetës ka dalë duke qarë nga shkolla.

“Mendoj se këtu është mbajtur mirë, mund ta dijë edhe familja se si e kemi mbajtur nuk besoj se janë në kundërshtim për këtë.

Mendoj që 99% i vjen nga shkolla, të dhënat i kemi deri diku. Ditën që ka qenë në shkollë, mësuesit e mohojnë që ka qenë në shkollë, ndërsa disa thonë që ka qenë.

Mund të ketë pasur në shkollë xhelozitë e shoqeve.

Presion nga kjo shpi nuk ka pasur kurrë. Ishte person që nuk shprehej. Ishte tip i mbyllur. Ditën që ka ndodhur më kanë thënë që vajza ka dalë duke qarë nga shkolla.

Më pas ka marrë djalin i ka thënë më merr tek shtëpia. Ai e ka sjellë dhe më pas ka dalë për kafe. Më pas i ka shkruajtur për veprimin”, tha ai.