VIDEO/ Tmerr në Gjirokastër, gruaja me thikë në dorë sulmon qytetarët në rrugë

Prej një muaji, qytetarët e Gjirokastrës po përballen me një situatë shqetësuese në rrugët e qytetit. Një grua e cila kërkon lëmoshë, sipas raportimeve të banorëve, jo vetëm që i shqetëson ata, por përdor sharje, ofendime dhe kërcënime.

Nëse lypëses nuk i jep para ajo nxjerr thikën dhe të sulmon duke të kërcënuar.

Disa qytetarë kanë denoncuar se gruaja i ka kërcënuar me thikë, me gurë dhe ka shkaktuar tension në zonat publike, duke u bërë një rrezik për sigurinë.

Pavarësisht rasteve të përsëritura, autoritetet lokale nuk kanë ndërmarrë asnjë masë për zgjidhjen e kësaj situate.

“Është e papranueshme që një situatë e tillë të vazhdojë pa asnjë ndërhyrje. Kjo nuk është vetëm një shqetësim për qytetarët, por një çështje e sigurisë publike,” shprehet një banor i qytetit.

Ndërkohë, qytetarët e Gjirokastrës bëjnë thirrje që shteti të reagojë menjëherë për të garantuar rendin dhe sigurinë në qytet, duke i dhënë fund këtij problemi që po vë në rrezik jetën e tyre.