Vau i Dejës/ Arrestohet 27-vjeçari për kultivim kanabisi, i ati procedohet për armëmbajtje pa leje

Policia e Vaut të Dejës ka vënë në pranga një 27-vjeçar, P.N., i cili dyshohet se kultivonte 180 bimë narkotike në fshatin Mnelë. I riu ishte shpallur në kërkim që prej qershorit dhe dyshohet të ketë vepruar së bashku me një 17-vjeçar, për të cilin hetimet dhe kërkimet vijojnë.

Gjatë operacionit antikanabis të koduar “Koordinata”, forcat e policisë kontrolluan edhe banesën e babait të të arrestuarit, 62-vjeçarit Z.N., ku u sekuestrua një armë gjahu e mbajtur pa leje. Për këtë të fundit është ngritur procedim penal në gjendje të lirë.

Policia vijon hetimet dhe operacionet për goditjen e kultivimit dhe shpërndarjes së drogës në zonën e Vaut të Dejës.