U kapën me kokainë dhe heroinë, policia arreston dy persona në Durrës

Policia e Durrësit ka arrestuar 2 të rinj, pasi u kapën me heroinë dhe kokainë, gati për shitje. Sipas njoftimit zyrtar, shtetasit E.P, 43 dhe P.C, 33-vjeç u arrestuan në flafrancë, teksa po drejtonin një motomjet.

“DVP Durrës/ Forcat e Posaçme "Shqiponja" në DVP Durrës, në vijim të kontrolleve në qytet për rritjen e parametrave të sigurisë dhe goditjen e paligjshmërisë, kanë ndaluar në lagjen nr.6, Durrës, një motomjet me drejtues shtetasin E. P., dhe pasagjer shtetasin P. C.

Gjatë kontrollit fizik ndaj këtyre shtetasve, shërbimet e Policisë, gjetën disa doza me lëndë narkotike heroinë dhe kokainë, një sasi lëndë narkotike cannabis sativa, gati për shitje. Në vijim të veprimeve nga specialistët për Hetimin e Narkotikëve në DVP Durrës, arrestuan në flagrancë shtetasit E. P., 43 vjeç dhe P. C., 33 vjeç, të dy banues në Durrës.

Në cilësinë e provës materiale u sekuestrua lënda narkotike, motomjeti, 1 aparat celularë dhe një grirëse hashashi”, njofton policia.