U kap me 17 kilogram drogë, në pranga shqiptari në Itali

Policia italiane ka vënë në pranga një 50-vjeçar shqiptar, i cili gjatë kontrollit u kap me 17 kilogram kokainë, të cilën e kishte fshehur në makinën me të cilën lëvizte.

Sipas mediave italiane arrestimi i 50-vjeçarit shqiptar u bë në afërsi të zonës së Leçes. Ishte shpejtësia e madhe më të cilën ai po lëvizte në rrugë ajo që tërhoqi menjëherë vëmendjen e policisë.

Kur e ndaluan, ata kryen kontrolle në mjetin e tij ku gjetën edhe lëndën narkotike. Policia i gjeti 17 kilogramë kokainë, e ndarë në 15 pako.