U arratis nga komisariati i Elbasanit, kapet pas 7 muajsh 29-vjeçari në Kavajë

Policia e Kavajës ka arrestuar një 29-vjeçar, i cili ishte arratisur nga komisariati i Elbasanit më 31 dhjetor 2024. Ai u kap së bashku me një 46-vjeçar nga Durrësi, pas dyshimeve për vjedhje në zonën e Qerretit.

Të dy personat akuzohen se kanë bashkëpunuar në vjedhjen e një shume parash në një banesë dhe në një automjet, në fshatin Qerret të Kavajës. Hetimet, të mbështetura edhe në pamje filmike, çuan në identifikimin dhe ndalimin e tyre.

29-vjeçari ishte arratisur nga ambientet e komisariatit bashkë me një tjetër të ndaluar, menjëherë pasi ishin njohur me masat e sigurisë. Ndërsa bashkëarratisuri u kap menjëherë, ai kishte arritur t’i shpëtonte policisë për rreth shtatë muaj.

Edhe më herët, i riu ishte arrestuar për një vepër penale të lidhur me vjedhjen.