Tritoli në Vlorë, pronari i biznesit: Nuk kam asnjë konflikt! Kamerat e sigurisë filmuan…

Detaje të reja janë zbuluar për shpërthimin me tritol që tronditi qytetin e Vlorës mbrëmjen e djeshme. Ngjarja ndodhi pranë një servisi automjetesh, ku për fat nuk pati të lënduar, por dëmet materiale janë të konsiderueshme.

Policia ka sekuestruar pamjet e kamerave të sigurisë, ku shihet një person që afrohet në orët e mbrëmjes pranë biznesit, pak çaste para shpërthimit. Hetuesit janë duke analizuar pamjet për të identifikuar autorin.

Nga ana tjetër, pronari i servisit ka deklaruar për policinë se nuk ka asnjë konflikt personal apo profesional dhe nuk ka asnjë ide për motivin e ngjarjes. Ai është shprehur i tronditur nga sulmi dhe kërkon që autoritetet të zbardhin sa më shpejt të vërtetën.

Policia vijon hetimet, ndërsa nuk përjashtohet asnjë pistë, përfshirë edhe mundësinë e ndonjë paralajmërimi apo shantazhi të fshehtë.