Tragjike në Kurbin, bie në lavatriçen e përpunimit të inerteve, vdes punonjësi

Një ngjarje tragjike me pasojë vdekjen e një 61-vjeçari ka ndodhur në fshatin Skuraj të Kurbinit.

61-vjeçari teksa punonte ditën e djeshme ka rënë në pjesët e një lavatriçeje të përpunimit të inerteve duke marrë plagë të rënda. Më pas është dërguar për ndihmë mjekësore në spitalin e Traumës, por fatkeqësisht nuk ka mundur që t’i mbijetojë plagëve të marra.

Për ngjarjen është shpallur në kërkim pronari i lavatriçes, ndërsa po hetohen shkaqet e ngjarjes së rëndë.

Policia ka bllokuar aktiviteten e lavatriçes së përpunimit të inerteve në shtratin e lumit Mat.