Tragjike në Itali, 30-vjeçari shqiptar bie nga skela në lartësi 10 metra dhe humb jetën

Një 30-vjeçar shqiptar ka humbur jetën pasditen e djeshme në një kantier ndërtimi në San Severino.

Sipas mediave italiane, i riu shqiptar është rrëzuar nga një lartësi prej 10 metrash.

Ngjarja ka ndodhur rreth orës 17:30. 30-vjeçari nuk punonte në kantier, por kishte shkuar jashtë orarit të punës dhe ishte ngjitur në skelë.

Policia italiane ka nisur hetimet në lidhje me ngjarjen. Trupi i pajetë është dërguar në morgun e San Severinos.