Divjakë, 62-vjeçari humb jetën pasi përmbyset me mjetin bujqësor

Një aksident ndodhi sot në Divjakë, ku një 62-vjeçar, Maliq Meta, humbi jetën në një aksident me mjetin e tij bujqësor.

Sipas raportimeve, ai po lëvizte në rrugën e parcelave kur në një moment humbi kontrollin e mjetit, i cili u përmbys në një kanal.

Maliq Meta mbeti i bllokuar brenda mjetit, duke pësuar vdekjen e menjëhershme.

Bashkëfshatarët, të alarmuar nga incidenti, u afruan menjëherë për t’i dhënë ndihmë, por përpjekjet e tyre nuk dhanë rezultat, duke konfirmuar vdekjen e 62-vjeçarit në vendngjarje.

Autoritetet lokale po vijojnë hetimet për zbardhjen e plotë të rrethanave të aksidentit.