Tensione në Francë, bandat sulmojnë burgjet dhe i vënë zjarrin makinave

Aktualitet

Tensione në Francë, bandat sulmojnë burgjet dhe i vënë

Një seri sulmesh janë kryer gjatë orëve të natës ndaj burgjeve në lokalitete të ndryshme të Francës, ku janë përdorur edhe armë zjarri dhe ku shumë automjeteve u është vënë flaka.

Përpara hyrjes së burgut në qytetin Tulon u qëllua me armë automatike, ndërsa makinave në parkingun e strukturës iu vur zjarri, bëjnë të ditur mediat franceze.

Përveç rastit në fjalë, sulme të ngjashme u konstatuar edhe në 7 lokalitete të tjera të vendit, përfshirë qytetin e madh të Marsejës.


Duke reaguar në rrjetin “X”, ministri francez i Drejtësisë, Zherald Darmanië deklaroi se administratat e burgjeve ishin përballur me përpjekje për intimidim. Ai njoftoi nisjen drejt qytetit të Tulonit për t’u shprehur autoriteteve lokale mbështetjen e tij.

“Republika Franceze po përballet me problemin e trafikut të drogës dhe po merr masa që do t’i çrrënjosin masivisht rrjetet kriiminale”, deklaroi Darmanië.

Një burim i afërt me hetimet e nisura tha për mediat franceze se sulmet ishin të koordinuara dhe qartazi të lidhura me strategjinë e qeverisë kundër narko-banditizmit.

Në shkurt, qeveria franceze i dha jetë një fushate të re kundër trafikut të drogës, me premtimin se do të reduktojë dhunën në rritje të bandave dhe vdekjet e lidhura me rritjen e importit të kokainës.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion