Tension dhe panik para lokalit/ U konfliktua me një person dhe nxori pist'oletën, kapet nga policia 53-vjeçari

Një 53-vjeçar është arrestuar në flagrancë nga Policia e Tiranës pasi qëlloi me armë zjarri pistoletë në ajër përpara një lokali në fshatin Mullet. 

Ngjarja ndodhi pas një konflikti për motive të dobëta mes autorit me iniciale F. Ç. dhe një 23-vjeçari me iniciale A. H., i cili në ato momente ndodhej brenda ambientit të lokalit.

Falë ndërhyrjes së shpejtë të shërbimeve të Komisariatit Nr. 1 në kuadër të operacionit të koduar “Njoftimi”, u bë e mundur parandalimi i përshkallëzimit të mëtejshëm të konfliktit, kapja e 53-vjeçarit si dhe sekuestrimi i pistoletës që posedonte pa leje bashkë me municionin luftarak.

Materialet procedurale i kaluan Prokurorisë për veprime të mëtejshme hetimore.

Njoftimi:

Tiranë/Finalizohet nga Komisariati Nr. 1, operacioni i koduar “Njoftimi”.

Qëlloi me pistoletë në ajër, përballë lokalit në Mullet, ku ndodhej 23-vjeçari me të cilin ishte konfliktuar më parë, arrestohet në flagrancë 53-vjeçari.

Sekuestrohet arma e zjarrit bashkë me municionin.

Shërbimet e Komisariatit të Policisë Nr. 1, menjëherë pas njoftimit se në afërsi të një lokali në fshatin Mullet, një shtetas kishte qëlluar në ajër, me armë zjarri, dyshohej për shkak të një konflikti për motive të dobëta, ndërmjet tij dhe një shtetasi që ndodhej në lokal, organizuan punën dhe shkuan në vendngjarje për të sqaruar rrethanat dhe autorësinë e rastit.

Si rezultat i veprimeve të shpejta operacionale, të kryera në kuadër të operacionit të koduar “Njoftimi”, u parandalua përshkallëzimi i këtij konflikti, si dhe u kap në flagrancë dhe u vu në pranga shtetasi F. Ç., 53 vjeç, banues në këtë fshat.

53-vjeçari dyshohet se ka qëlluar në ajër, me armë zjarri (pistoletë), të cilët e posedonte pa leje, përballë lokalit ku ndodhej shtetasi A. H., 23 vjeç, me qëllim kanosjen e tij, sepse ishin konfliktuar më parë, për motive të dobëta.