Të shtënat me armë në Vlorë, dëshmitari rrëfen tmerrin: Mu dukën si polic kufitarë, bridhte me kallash

Detaje të reja janë zbardhur nga të shtënat me armë zjarri në Novoselë, ku një person ende i pa identifikuar ka qëlluar me automatik drejt një lokali.

Një dëshmitar, personi që ishte brenda në lokal sëbashku me pronarin, Gjergji Nasi tha se një person i pajisur me syze dhe kapele ka qëlluar në drejtim të tyre dhe ka zbrazur një karikator të tërë.

“Vinte vërdallë. Unë pash një person. Unë e pandeha si ndonjë polic nga ata të kufirit. Me kallash bridhte këtej dhe bridhte andej dhe shikonte, por nuk foli asgjë.

Ai nisi të qëllonte që te dera pa u futur fare brenda dhe drejtimi i plumbave ishte që nëse një person do ishte ulur në tavolinë të kapte në kraharor ose kokë.

Plumbat larg nga ne ishin një metër e gjysmë apo dy e shumta. Në lokal ishim unë dhe i zoti i lokali. Zbrazi një karikator atje janë 28 shenja plumbash. Ne ikëm me vrap.

Unë nuk di gjë për motivet se unë jam njeri hallexhi se mezi nxjerr bukën e gojës. Nuk di gjë për të zotin e lokalit. Unë nuk merrem me politikë dhe nuk di gjë fare”, tha dëshmitari.