Të akuzuar për mashtrim me Call Center, GJKKO jep vendimet për 13 të pandehurit

GJKKO ka dhënë vendimet për 13 të akuzuarit për mashtrim me vlerë rreth 7 milion euro të shtetasve gjermanë përmes call center-ave.

Erjon Kasmi, që konsiderohet personi kyç i një grupi kriminal, i akuzuar për mashtrim kompjuterik dhe për krijim të grupit të strukturuar kriminal është shpallur fajtor dhe është dënuar me 7 vite e katër muaj burg.

Ai së bashku më 12 persona të tjerë dyshoheshin se kanë mashtruar nëpërmjet thirrjeve telefonike qytetarë gjermanë duke u zhvatur eurot. Për bashkëpunëtorin e tij Xhulian Xhafën Gjykata e Posaçme Antikorrupsion e ka dënuar me 6 vite e 8 muaj burgim.

Ndërsa të akuzuarit Anduel Gjergji, Ariol Zenuni, Denada Bardhi, Emion Orizaj, Ermir Shehu, Eris Kurila, Evis Mahmutaj, Ilir Shkurti, Indrit Tila, Klevin Molla, Skerdi Llupi, GJKKO i ka deklaruar të pafajshëm.

Organi i akuzës ka sekuestruar më herët disa llogari bankare të të akuzuarve si dhe disa pasuri të paluajtshme.