Surprizat e motit gjatë javës, ndryshimi i papritur të premten

Aktualitet

Surprizat e motit gjatë javës, ndryshimi i papritur të premten

Kjo javë ka nisur me kushte të paqëndrueshme atmosferike duke bërë që vranësirat dhe reshjet e shiut, si edhe reshje të pakta dëbore në zona të thella malore të përfshijnë pjesën më të madhe të territorit.

Pritet që dita e mërkurë dhe e enjte të sjellë ndërprerje të reshjeve për tu rikthyer sërish të premten.

Ndërsa temperaturat e ajrit janë luhatur në orët e para të mëngjesit më të ulëta 2-3 gradë në zonat malore, ndërkohë maksimalet pritet të jenë jo më shumë se 15 po 16 gradë celsius gjatë ditës së hënë dhe të martë.

Dita e mërkurë dhe e enjte do të sjellë edhe rritje të temperaturave duke bërë që temperatura maksimale në rang territori të shënohet edhe 20 gradë në zonat jugperëndimore.

Ndërsa dita e premte do të sjellë sërish rënie të temperaturave, kjo për shkak të reshjeve të cilat do të jenë në territor.

Po ashtu Kosova dhe Maqedonia e Veriut kanë nisur me mot të paqëndrueshëm, ku vranësirat dhe reshjet e shiut dhe dëborës kanë qenë të pranishme që në orët e para të mëngjesit të cilat do të mbeten prezente edhe gjatë ditës së martë. Duke filluar që nga dita e mërkurë dhe enjte do të ketë përmirësim të dukshëm të motit duke risjellë kthjellimet në zonat e Maqedonisë së Veriut dhe Kosovës.


Sa i përket ditës së premte do të kemi sërish zhvillimin e një sistemi vranësirash duke bërë që reshjet e shiut dhe reshje të pakta dëbore të shfaqen qoftë në Kosovë qoftë në Maqedoninë e Veriut.

Temperaturat e ajrit të hënë dhe të martën në Kosovë do të jenë jo më shumë se 11 apo 12 gradë vlera maksimale në rang territori.

Po ashtu pritet që Maqedonia e Veriut të hënën dhe të martën të ketë temperatura relativisht të ulëta duke bërë që ditën e mërkurë dhe të enjten të ketë një rritje të ndjeshme të tyre. Dita e premte sërish do të ketë ulje të ndjeshme të temperaturave për shkak të pranisë së reshjeve që do të jenë gjatë gjithë ditës.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion