Situata e zjarreve në Shqipëri – 26 vatra aktive, operacione intensive në të gjithë vendin

Deri në orën 13:00 të ditës së sotme janë raportuar 26 vatra zjarri në të gjithë vendin, nga të cilat 17 mbeten aktive, ndërsa 9 janë nën monitorim. Vatrat janë shpërndarë në disa qarqe dhe përfshijnë zona të mbrojtura, pyje, kullota dhe madje edhe zona pranë banesave. Më poshtë një përmbledhje e situatës:

Zjarret aktive sipas qarqeve

DIBËR
• Parku Kombëtar Lurë – Dy vatra aktive në zonën “Liqeni i Luleve”, mbi fshatin Gurë-Lurë dhe Fusha e Pelave.
• Zall Gjoçaj – Vatra aktive, kërkuar ndërhyrje ajrore.
• Ulëz – Vatra e shuar në Dibër, por po përhapet drejt Mirditës.
• Bulqizë – Zjarri në Livadhet e Peladhisë mbi fshatrat Sofraçan dhe Krajkë, mbi 40 ha të djegura. Nën monitorim.

VLORË / SARANDË / DELVINË / SELENICË

• Maja e Paliskës – Dukat – Zjarr në terren të vështirë.
• Kalasa – Vergo, Delvinë – Zjarr i përmasave të mëdha, 10 banesa përshkuar. Aktivizuar edhe helikopterë hungarezë.
• Ploç – Smokthinë – Vatra aktive në shtrirje drejt malit.
• Kopacez, Vergo – Terren shumë i thyer, pranë municioneve luftarake, forcat e FA nuk arrijnë të ndërhyjnë.
• Markat – Konispol – Zjarri po përparon, ndërhyrje e kufizuar.

ELBASAN / GRAMSH / LIBRAZHD

• Shmil – Dritas – Zjarr në pyll, angazhim i FA dhe zjarrfikësve.
• Gurakuqi – Librazhd – Tre vatra aktive, përfshirë Kostenje dhe Guri Muzhaqit.
• Lisec – Gramsh – Vatra aktive, pengesa nga terreni.

LEZHË / KURBIN / MIRDITË / MAT

• Shkopet – Milot – Zjarri përhapet në tre bashki. Angazhim masiv i FA dhe helikopterëve.

KORÇË / DEVOLL / POGRADEC / MALIQ

• Dishnicë – Bulgarec – Vatra aktive me intensitet të ulët.
• Qeramica – Trestenik/Vishocicë – Rrezik përhapjeje.
• Strelcë – Maliq dhe Kriçkovë – Pogradec – Vatra të reja aktive.

BERAT / SKRAPAR / DIMAL / POLIÇAN

• Muzhakë – Skrapar – Zjarr në pyll lisi, në kontroll.
• Konisbaltë – Dimal/Berat – Angazhim me helikopter dhe mjete të shumta, në kontroll.
• Lybeshë dhe Zgërbon – Poliçan – Të izoluara, në monitorim.

GJIROKASTËR / DELVINË / MEMALIAJ

• Kardhiq – Delvinë – Zjarri në lartësi, nuk rrezikohen banesat.
• Fushëbardhë dhe tuneli i Skërficës – Zjarr drejt izolimit.
• Levan – Memaliaj – Zjarr në zonë pyjore.

KUKËS
• Gryka e Motinës – Dragobi, Parku i Alpeve – Vatra e pakontrolluar, terren i vështirë, ndërhyrja thuajse e pamundur.

Forcat e angazhuara

• 634 efektivë nga bashkitë, shërbimet zjarrfikëse dhe administratat pyjore
• 284 forca të Forcave të Armatosura
• 36 mjete zjarrfikëse
• Helikopterë të FA dhe të ndihmës hungareze kanë operuar në disa zona, kryer 34 rrugë/kova ujore në Lezhë.

Problematikat

• Era e fortë, terreni i thyer, dhe bimësia e dendur po pengojnë ndjeshëm përpjekjet për shuarjen.
• Në disa raste, rrezikohen banesa dhe zona të banuara si në Kalasë, Markat dhe Konisbaltë.
• Municione të vjetra luftarake në zonën e Kopacezit paraqesin rrezik për ndërhyrje nga toka.

Situata mbetet dinamike dhe në disa zona është e rrezikshme. Autoritetet bëjnë thirrje për kujdes të shtuar, ndërsa hetimet për zjarret e qëllimshme janë në vijim.