“Është një tragjedi e rëndë”/ Çifti Plaka në Roskovec u vra me armë gjahu nga ish-dhëndri, banorët e fshatit: U shua një shtëpi, ikën në moshë të re

Një ngjarje e rëndë ndodhi mëngjesin e djeshëm në fshatin Vidhishtë të Roskovecit.

Një 35-vjeçar, Nertil Buzi, qëlloi për vdekje me armë gjahu ish-vjehrrin dhe ish-vjehrrën, dhe më pas u vetëvra.

Sot familjarë, miq dhe qindra banorë po i japin lamtumirën e fundit dy bashkëshortëve, Arben dhe Belere Plaka në varrezat e fshatit.

“Është tragjedi e rëndë, s’kemi çfarë të flasim. Se besonim se do përfundonte deri këtu. Çifti kishte dy fëmijë, një djalë dhe një vajzë. Çfarë të themi më tepër. Edhe familjen e autorit i njohim. Ata kanë pasur shkuarje si krushqi”, është shprehur një ngha banorët e fshatit.

“Duhet t’i kishin rregulluar më para muhabetet. U shua një shtëpi. Nuk ishte gjë e mirë, ikën në moshë të re”, shtoi një tjetër pak para përcjelljes për në banesën e fundit të çiftit Plaka.