Shqipëria gati të modernizojë ushtrinë, Peleshi zbulon detajet: Kanë nisur konsultimet me…

Ministri i Mbrojtjes, Niko Peleshi ka zbuluar detaje nga takimi me ushtarakët, drejtuesit e lartë dhe përfaqësuesit e Forcave të Armatosur, ku është diskutuar gjerësisht projekti për modernizimin e FA.

Peleshi shprehet se të tilla takime do të jenë më të shpeshta dhe do të vlerësojnë në çdo hap mbrojtjen dhe sigurinë e vendit.

"Në takimin konsultativ me ushtarakë me grada madhore, drejtues të shoqatave të ushtarakëve në rezervë si dhe përfaqësues të Forcave të Armatosura e ekspertë të fushës për sigurinë kombëtare. Rishikimi i dokumenteve strategjike përballë sfidave globale e rajonale, prioritet i punës për 2024, ashtu si dhe realizimi i projekteve madhore për modernizimin e Forcave tona të Armatosura.

Për të parë çdo reformë me objektivitet e thellësi, takimet si ky i sotmi do të jenë më të shpeshta duke na dhënë mundësinë të ndjekim dhe të vlerësojmë çdo hap për mbrojtjen dhe sigurinë e vendit tonë. #NeJemiForcatEArmatosura ”, shkruan Peleshi.