Eksplozivi në biznesin e avokatit Ilia Thanasi në Sarandë, si i doli "huq" plani autorëve

Fotoja e siguruar tregon lëndën plasëse që u vu gjatë natës në derën e një biznesi në Sarandë.

Siç duket nga fotoja, ndonëse lëndës plasëse i është vënë zjarri me qëllim për të shpërthyer, fatmirësisht fitili duket se nuk ka ndezur.

Policia njofton se sasia e lëndës plasëse është vënë në derën e jashtme të një dyqani.

Biznesi në fjalë mësohet se është në pronësi të avokatit Ilia Thanasi. Nuk dihet nëse ngjarja lidhet me profesionin e këtij të fundit.

Ndërkohë, uniformat blu po punojnë për rënien në gjurmët e autorit/ve.

Sarandë/Informacion paraprak

Sot, rreth orës 08:20, në lagjen nr. 2, Sarandë, në derën e jashtme të një dyqani në pronësi të shtetasit I. Th., është konstatuar një kallëp me lëndë të dyshuar plasëse.

Grupi hetimor vijon veprimet për sqarimin e rrethanave të ngjarjes, identifikimin dhe kapjen e autorit/ëve.