Shpërthen bombola e gazit në Patos, i moshuari pëson djegie në trup

Një bombol gazi ka shpërthyer mëngjesin e sotëm në Patos, duke lënë të plagosur një të moshuar.

Mësohet se rreth orës 09:00, në spitalin e Patosit, është paraqitur për të marrë ndihmë mjekësore, shtetasi F. M., rreth 70 vjeç, me djegie në trup, që dyshohet të jenë shkaktuar nga shpërthimi i bombolës së gazit, në banesën e tij.

“Rreth orës 09:00, në spitalin e Patosit, është paraqitur për të marrë ndihmë mjekësore, shtetasi F. M., rreth 70 vjeç, banues në fshatin Manekaj, me djegie në trup, që dyshohet të jenë shkaktuar nga shpërthimi i bombolës së gazit, në banesën e tij.

Ky shtetas po transportohet në spitalin e Fierit, për ndihmë mjekësore të specializuar”, njofton policia.

Grupi hetimor po punon për sqarimin e plotë të rrethanave të rastit.