Shkodër, i riu futet në banesë për të vjedhur, por kapet mat nga policia

Një 24-vjeçar është kapur në flagrancë duke grabitur një banesë në rrugën “Çerçiz Topulli”, në Shkodër.

Policia e Shkodrës mori njoftimin se i riu ishte futur për të vjedhur banesën dhe arritën ta kapnin në flagrancë.

Në pranga ra E. T., 24 vjeç, banues në Laç,Vau i Dejës.

Gjatë kontrollit fizik, shërbimet e Policisë i kanë gjetur 24-vjeçarit, një kaçavidë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.