Shkelën rëndë rregullat e qarkullimit, arrestohen dy persona

Policia e Tiranës ka njoftuar mëngjesin e sotëm se ka arrestuar dy persona, pasi u konstatuan se kanë shkelur rregullat e qarkullimit rrugor.

“Specialistët e Qarkullimit Rrugor bënë arrestimin në flagrancë të shtetasve: P. B., 20 vjeç, pasi u kap duke drejtuar mjetin në gjendje të dehur; V. A., 32 vjeç, pasi Gjykata e Shkallës së Parë Tiranë, e ka dënuar me 10 ditë burgim për veprën penale “Drejtimi i automjeteve në mënyrë të parregullt”. Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme.”, njofton policia.