Vodhën euro dhe lekë në një dyqan, arrestohet një 44-vjeçar në Tiranë, në kërkim bashkëpunëtori i tij

Policia e Tiranës njoftoi mëngjesin e sotëm se ka vënë në pranga një 44-vjeçari, i cili në bashkëpunim me një tjetër, kanë vjedhur një dyqan në Unazën e Re. Blutë bëjnë me dije se bashkëpunëtori i tij, tashmë i identifikuar, është shpallur në kërkim.

“Specialistët për Hetimin e Krimit në Komisariatin e Policisë Nr.6 bënë ndalimin e shtetasit E. M., 44 vjeç, sepse në bashkëpunim me shtetasin K. K (punohet për kapjen e tij), janë autor të vjedhjes të një shume parash dhe eurosh në një dyqani në Unazen e Re”, njofton policia.