Shkaktoi aksident në gjendje të dehur, nuk i shpëton policisë 53-vjeçari në Durrës

Policia e Durrësit ka arrestuar një 53-vjeçar, pasi akuzohet që në gjendje të dehur, ka aksidentuar një makinë, që fatmirësisht nuk ka të lënduar në njerëz.

“Gjithashtu, është arrestuar në flagrancë shtetasi P.M., 53 vjeç,  banues në Durrës, pasi në lagjen Nr.6,  duke drejtuar në gjëndje të dehur, mjetin tip “ Land Rover ” është përplasur me mjetin tip “Hondai” me drejtuese shtetasen G.H., ku për pasojë janë shkaktuar vetëm  dëme materiale. Materialet i kaluan Prokurorisë së Rrethit Gjyqësor Durrës për veprime të mëtejshme”, njofton policia.