Gazetarët në luftë ndihen të kërcënuar, reagon SHBA

Prania e mediave në Palestinë, ku vazhdon lufta mes Izraelit dhe vendasve, ka bërë që të reagojë Shtëpia e Bardhë. Kujtojmë se një ditë më parë, Izraeli bombardoi një ndërtesë në Gaza ku ndodheshin zyrat e agjencisë amerikane të lajmeve Associated Press. Në një njoftim për mediat, zëdhënsja e ekzekutivit të SHBA-së, Jen Psaki tha se  garantimi i sigurisë së gazetarëve ishte “i rëndësisë më të madhe”, pas bombardimit nga Izraeli të një (AP).

“Ne i thamë drejtpërdrejt izraelitëve se garantimi i sigurisë së gazetarëve dhe medieve të pavarura është një përgjegjësi e një rëndësie të madhe”, tha ajo.

Ndërkohë që Agjencia amerikane e lajmeve AP tha më herët se ishte “e tronditur dhe e tmerruar” nga sulmi izraelit, që shënjestroi kullën ku strehoheshin zyrat e saj dhe ato të Al-Jazeera në Gaza, duke e quajtur atë “një zhvillim tepër shqetësues”.