E akuzuan për sulme ndaj SPAK, reagon Rama: Synimi im, drejtësia e 2030-ës!

Kryeministri Edi Rama ka reaguar ndaj deklaratave se po sulmon prokurorinë e Posaçme, SPAK. Përmes një postimi në X, Rama ka injoruar "ekspertët" që shprehen se deklaratat kundër drejtësisë minojnë demokracinë e një vendi.

"Nuk e di kush janë këta ekspertët, po di që kur dikush i cili s’është dakord me ty të akuzon se ke një qëllim që nuk e ke, atëherë (akuzuesi) o është një i sëmurë ideologjikisht, o është një kundërshtar kokëbosh ose pastaj është një daullexhi i paguar*…

Zakonisht këtej nga anët tona janë këta dy të fundit.

Ndërsa qëllimi im është i shpallur: Drejtësi Europiane për Shqipërinë 2030. Gjyqi i qëllimeve ishte një praktikë e përditshme e komunizmit", shkruan Rama.