Sekuestrim apartamentit të Veliajt dhe Xoxës! Apeli lë në fuqi vendimin e shkallës së parë

Gjykata e Posaçme ka lënë në fuqi vendimin e shkallës së parë për sekuestrimin e një apartamenti luksoz, që dyshohet se është i kryebashkiakut Erion Veliaj. 

Apartamenti, i cili ndodhet në zonën elitare të "Kodrës së Diellit", në Tiranë, është në pronësi të Gentian Sulajt, biznesmen i cili është në masën e detyrim të paraqitjes dhe po hetohet në të njëjtin cështje me Erion Veliajn.

Megjithatë, hetimet e autoriteteve dyshojnë se apartamenti është një pasuri e fshehur dhe e përdorur nga çifti i bashkëshortëve Erion Veliaj, kryetar i Bashkisë së Tiranës, dhe bashkëshortja e tij, Ajola Xoxa.