Rruga e bllokuar prej disa ditësh nga dëbora, banorët ndërhyjnë dhe e hapin vetë

Rruga në fshatin Nanshenjte në Mirditë prej ditësh ka qëndruar e bllokuar nga bora.

Gjatë ditës se sotme kanë qenë vetë banorët ata të cilët me mjetet e tyre kanë bërë të mundur largimin e borës dhe zhbllokimin e rrugës.

Kjo situatë përsëritet çdo herë që ka reshje bore në këtë zonë dhe banorët ndihen të harruar nga autoritetet. 

Situatë e ngjashme ishte disa më parë në rrugën e Kombit ku dhjetëra qytetarë mbeten të bllokuar prej orësh në makinë dhe denonconin në rrjetet sociale kompaninë kontraktore të mirëmbajtjes së rrugës.