Rama publikon video nga Velipoja: Gatishmëri e lartë për sigurinë në sezonin turistik

Kryeministri Edi Rama ka shpërndarë këtë mëngjes një video nga Velipoja në rrjetin social Facebook, duke theksuar gatishmërinë e autoriteteve për të garantuar një sezon turistik të sigurt dhe të rregullt në të gjithë vijën bregdetare.

“Mirëmëngjes dhe me Velipojën, ku është përditë e lartë gatishmëria për të garantuar hapësirat publike dhe një sezon turistik sa më të sigurt e të rregullt në çdo cep të bregdetit tonë, ju uroj një ditë të mbarë”, shkruan Rama në postimin e tij.

Kjo deklaratë vjen në kuadër të masave të shtuara për sigurinë, pastërtinë dhe menaxhimin e hapësirave publike në zonat turistike gjatë kulmit të sezonit veror.