Rama intervistë për mediat italiane: Nisma “Ballkani i Hapur” nuk zëvëndëson integrimin në BE

Kryeministri Edi Rama ka dhënë një intervistë për median italiane “Ansa”, ku ka folur për nismën që ka ndërmarrë me Maqedoninë e Veriut dhe Serbinë. Në fjalën e tij ai theksoi se “Ballkani i hapur” nuk zëvëndëson ëndrrën për integrimin në BE.

“Nuk ka dhe nuk mund të jetë një alternativë zëvendësuese e integrimit në BE. Përkundrazi, Ballkani i Hapur është një mjet i ri për të ecur më shpejt drejt integrimit në BE, duke zbatuar në rajonin tonë katër liritë e Bashkimit Evropian; lëvizjen e lirë të njerëzve, mallrave, shërbimeve dhe kryeqyteteve. Është një projekt i qëndrueshmërisë së paqes dhe bashkëpunimi.

Unë nuk jam as optimist dhe as pesimist, jam thjesht realist, që do të thotë e di, të gjithë e dimë se nuk ka të bëjë me ne, por ka të bëjë me ata, me Bashkimin Europian. Ne kemi bërë gjithçka për të merituar fillimin formal të negociatave që prej më shumë se dy vitesh. Por ata nuk kanë arritur ende për shkak të problemeve të tyre dhe së fundmi edhe sepse Bullgaria po bllokon Maqedoninë e Veriut

Në mënyrë të çuditshme Shqipëria duhet të presë që Bullgaria të heqë veton nga Maqedonia e Veriut. Unë mendoj se kjo luftë na ndihmon të kuptojmë se duhet të shtyjmë përpara sa më shumë të mundemi pa iluzionuar, por duke mos hequr dorë nga ëndrra e shumë brezave për të qenë pjesë e Europës”, u shpreh Rama./abcnews