Nëse këmbët i keni gjithmonë të ftohta, ja çfarë po tenton t’ju tregojë trupi

Shoqata amerikane e Shëndetit të Zemrës ka publikuar së fundmi një studim, ku trajton simpotomat që kjo sëmundje i jep pacientëve. Shumica e njerëzve përjetojnë sulm në zemër papritur, por në fakt, në shumicën e rasteve, sulmi në zemër ndodh si pasojë e problemeve kronike shëndetësore, që do të thotë se sinjalet e alarmit mund të vërehen shumë më herët.

Një nga simptomat që tregon një rrezik në rritje të sulmit në zemër janë këmbët e ftohta. Nëse vëreni se këmbët dhe pjesa nën gjunjë ju janë më të ftohta se pjesa tjetër e këmbës, shkaku i mundshëm është qarkullimi i dobët i gjakut. Kjo ndodh kur arteriet janë të bllokuara.

“Bllokimi arterial shkaktohet nga akumulimi i kolesterinës, substancave yndyrore, mbeturinave të qelizave, kalciumit dhe fibrinës. Ndërsa pllaka grumbullohet, muret e enëve të gjakut trashen, kanalet ngushtohen dhe rrjedhja e gjakut zvogëlohet. Si rezultat, qelizat nuk marrin oksigjen dhe lëndë ushqyese të tjera”, shpjegon Shoqata Amerikane e Shëndetit të Zemrës (AHA).

Përfundimisht, rrjedhja e gjakut në zemër mund të zvogëlohet në atë masë sa të shkaktojë goditje në tru. Përveç kësaj, nëse ngushtohen enët e gjakut, rritet rreziku i trombozës, e cila është një nga shkaqet e goditjes në tru.