Po udhëtonte me 6 emigrantë të paligjshëm në një makinë me qira, arrestohet në Fier 34-vjeçari

FIER- Në një kohë kur puna për kapjen dhe “goditjen” e veprimtarisë kriminale në fushën e dhënies ndihmë të shtetasve të huaj për kalimin e paligjshëm të kufirit kundrejt fitimit, policia e Fierit ka arrestuar 1 person.

Në një aksion të zhvilluar nga policia në aksin rrugor Tepelenë-Fier, në vendin e quajtur "Rrethrrotullimi i Levanit" kanë arrestuar A.H 34 vjeç.

Ai po udhëtonte me 6 emigrantë të paligjshëm në automjetin tip “Toyota”, të cilin e kishte marrë me qira.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale, për veprën penale "Ndihma për kalim të paligjshëm të kufijve".