Po sistemonte materiale në banesën e amortizuar të kunatit/ Kolona zë poshtë 64-vjeçarin

Një ngjarje e rëndë është regjistruar këtë të martë, rreth orës 16:10, në fshatin Shushicë të Elbasanit.

64-vjeçarti me iniciale F. F., ka shkuar të sistemojë disa materiale ndërtimi, në banesën e pabanuar dhe të amortizuar, në pronësi të kunatit të tij (burrit të motrës).

Gjatë kohës që ai po sistemonte materialet është shembur një kolonë e banesës. Si pasojë 64-vjeçari është dëmtuar dhe ka humbur jetën.

Ndërkohë, grupi hetimor po punon për sqarimin e rrethanave të ngjarjes.