Ura e re e Kukësit/ Rama: Zgjidhje për nyjen e vjetër lidhëse të dy anëve të liqenit

Kryeministri Edi Rama inspektoi këtë të martë punimet në urën e re të Kukësit.

Rama tha se ndërtimi i kësaj ure është një operacion i madh që zgjidh nyjen e vjetër lidhëse të dy anëve të liqenit me rrugën kombëtare.

Ai theksoi se me urën e re shmanget “gryka e shishes” si në sezonin e verës dhe në kohën e ngricave ku rrezikohet të ndodhin shumë aksidente.

“Në Urën e Re të Kukësit, një vepër e madhe publike me kompleksitet të lartë inxhinierik, e cila i jep zgjidhje nyjes së vjetër lidhëse të dy anëve të liqenit me rrugën kombëtare, duke shmangur më në fund “grykën e shishes” sidomos në sezonin e verës dhe aksidentet në kohën e ngricave, si edhe duke i dhënë një përmasë spektakolare udhëtimit mbi liqen”, nënvizoi kreu i qeverisë.