Dakordësia për komisionet hetimore/ Reagon Ambasada e SHBA

Ambasada e SHBA në Tiranë ka reaguar për marrëveshjen e arritur mes mazhorancës dhe Gazment Bardhit, për të ngritur dy komisione hetimore.

Ambasada shprehet se është e inkurajuar nga kjo dakordësi, duke theksuar se normaliteti në Kuvend është çështje thelbësore.

Në deklaratë thuhet se deputetët duhet të ushtrojnë detyrat dhe përgjegjësitë e tyre në mirëbesim brenda Parlamentit.

“Ambasada e Shteteve të Bashkuara në Tiranë është e inkurajuar nga njoftimi për rikthimin e rendit normal në Parlament. Institucionet funksionale janë thelbësore për çdo demokraci të shëndetshme dhe anëtarët e zgjedhur duhet të ushtrojnë detyrat dhe përgjegjësitë e tyre në mirëbesim brenda Parlamentit”, thekson ambasada e SHBA-së.