Plagoset me armë zjarri një person në Korçë, në kërkim autori (EMRAT)

Të shtëna me armë zjarri janë regjistruar pak më parë në qytetin e Korçës, ku për pasojë ka mbetur i plagosur një person.

Një plagosje me armë zjarri ka ndodhur në Korçë. Ngjarja ka ndodhur pak më parë në unazën e qytetit. I plagosur ka mbetur Dhimitër Shaka, i cili ndodhet në spitalin e Korçës ku po merr mjekim. Ai është jashtë rrezikut për jetën pasi plumbi e ka kapur në këmbë.

Në vendngjarje kanë mbërritur menjëherë shërbimet e Policisë së Shtetit, të cilat kanë rrethuar zonën dhe kanë ngritur pika kontrolli. Grupi hetimor po vijon punën për zbardhjen e plotë të dinamikës së ngjarjes.

Ndërkohë autori është identifikuar si Nikolin Tarusha dhe është shpallur në kërkim.