Plagosi me thikë një 18-vjeçar në shkollë, arrestohet i mituri në Tiranë

Një 17-vjeçar është arrestuar në Tiranë pasi ka plagosur me thikë një 18-vjeçar.

Ngjarja ka ndodhur në ambientet e shkollës “Shote Galica”. I plagosuri është dëmtuar dhe ndodhet në spital, në kujdesin e mjekëve.

“Specialistët për Hetimin e Krimeve Ndaj Personit arrestuan një të mitur 17 vjeç, pasi ditën e djeshme, në ambientet e shkollës “Shote Galica” 17-vjeçari dyshohet se ka goditur me mjet prerës shtetasin K. D., 18 vjeç. Si pasojë shtetasi K. D., është dëmtuar dhe ndodhet në spital, në kujdesin e mjekëve”, thuhet në njoftimin e policisë.