Pjesë e bandës së Laert Haxhiut, GJKKO lë në burg Kristi Bixhekun!

Gjykata e Posaçme ka lënë në qeli pa afat Kristi Bixhekun, një prej anëtarëve të grupit të Laert Haxhiut i ekstraduar dy ditë më parë nga Holanda.

Mësohet se 30-vjeçari Kristi Bixheku, ishte shpallur në kërkim ndërkombëtar, pasi Gjykata e Elbasanit, ka caktuar masën e sigurisë, “arrest me burg”, për veprat penale: “Shkatërrim i pronës me eksploziv”, “Sigurimi i kushteve material për të kryer vrasje”, “Grup i strukturuar kriminal” dhe”Kryerja e veprave penale nga grupi i strukturuar kriminal”.

Ai akuzohet nga SPAK se në bashkëpunim me shtetas të tjerë ka siguruar lëndën shpërthyese që është vendosur në shtëpinë e Bujar Turkut, në 31 Dhjetor 2022, në qytetin e Lushnjës.Po ashtu ai akuzohet edhe për sigurimin e kushteve dhe mjeteve materiale për të kryer vrasje ndaj Genci Hida. Kristi Bixheku, rezulton i ndaluar në 2021 si autor i dyshuar i vrasjes së Fridman Xhaferajt në Korçë, por që më pas u lirua pasi nuk u provua përfshirja e tij. 

Pas ekstradimit një ditë më parë njohjes së masës së sigurisë arrest ne burg Bixheku po qëndron në ambientet e paraburgimit 313.