Përplasen dy makina në Lezhë, 5 persona transportohen drejt spitalit

Pesë persona kanë mbetur të plagosur si pasojë e përplasjes së dy automjeteve në superstradën Lezhë-Shkodër.

Ngjarja ka ndodhur paraditen e kësaj të diele, ku në aksident janë përfshirë një automjet tip Ford dhe një Porsh.

Të lënduarit janë dërguar për ndihmë mjekësore, teksa gjendja e tyre shëndetësore raportohet jashtë rrezikut për jetën.