Përplasen dy makina në Elbasan-Peqin, plagosen anëtarët e dy familjeve

Dy makina janë përfshirë në një aksident mbrëmjen e sotme në aksin Elbasan-Peqin. Mësohet se dy automjete “Ford” dhe “Volkswagen” janë përplasur fort me njëra-tjetrën.

Fatmirësisht ka përfunduar vetëm me dëmtime të lehta të anëtarëve të dy familjeve që udhëtonin në mjetet përkatëse.

Nga të dhënat paraprake dyshohet se shkak i aksidentit është bërë shpejtësia dhe një parakalim i gabuar. Sakaq, si pasojë e përplasjes është rënduar trafiku në këtë aks.